Ministrja e Jashtme e Libisë, Najla El Mangoush u takua me ambasadorin e Iranit në Tripoli, Mohammad Reza për rihapjen e ambasadës iraniane në Tripoli, transmeton Anadolu.
Në një komunikatë me shkrim nga Ministria e Punëve të Jashtme të Libisë, Mangoush dhe Reza janë takuar në kryeqytetin Tripoli.
Në takim është diskutuar për marrëdhëniet mes dy vendeve si dhe për rihapjen e Ambasadës së Iranit në Tripoli pas 12 vitesh dhe funksionimin e saj.
Gjatë takimit, ku u diskutua edhe për çështje rajonale dhe ndërkombëtare, Mangoush u shpreh se mirëpresin rifillimin e marrëdhënieve diplomatike ndërmjet Arabisë Saudite dhe Iranit.
Me demonstratat që shpërthyen kundër regjimit të Gadafit në vitin 2011, të gjitha ambasadat në vend, përfshirë atë të Iranit, u mbyllën.
Irani dhe Arabia Saudite arritën marrëveshje për rifillimin e marrëdhënieve diplomatike pas 7 vitesh.
Marrëveshja e arritur mes dy vendeve u njoftua më 10 mars në një deklaratë të përbashkët nga Irani, Arabia Saudite dhe Kina.