RTV AHIRETI
LajmeRajon dhe Botë

Zyrtari i lartë izraelit: Mosdërgimi i armëve nga SHBA-ja mund të ndryshojë planet e sulmit në Gaza

zyrtari-i-larte-izraelit:-mosdergimi-i-armeve-nga-shba-ja-mund-te-ndryshoje-planet-e-sulmit-ne-gaza

Një zyrtar i lartë izraelit tha se mosdërgimi i armëve nga SHBA-ja për shkak të sulmit tokësor në Rafah, mund të ndryshojë planet e vendit për sulmin që ka shkaktuar fatkeqësi të madhe humanitare që nga 7 tetori në Rripin e Gazës, transmeton Anadolu.

Zyrtari i lartë emri i të cilit nuk u bë i ditur, bëri një deklaratë për këtë çështje për televizionin shtetëror izraelit KAN.

Lidhur me vendimin e SHBA-së për të mos i dhënë armë Izraelit për shkak të sulmit tokësor në Rafah, zyrtari mbrojti idenë se një situatë e tillë “mund ta detyrojë vendin e tij të ndryshojë” planet e sulmit në Gaza.

Më tej zyrtari izraelit potencoi se në këtë situatë vendi i tij mund të detyrohet të angazhohet të bëjë “ekonominë e tij të armatimit” për të mos mbetur pa municione.

Presidenti amerikan Joe Biden duke rikujtuar se ata shumë herë më parë e kanë paralajmëruar Izraelin të mos ndërmarrë sulm gjithëpërfshirës tokësor në Rafah, tha se këtë e ka thënë qartë edhe në bisedën e tij të fundit me kryeministrin izraelit, Benjamin Netanyahu.

“Nëse ata hyjnë në Rafah, nuk kanë hyrë ende (me një sulm gjithëpërfshirës). Nëse hyjnë, atëherë e kam thënë në mënyrë të qartë se nuk do të dërgojë armët që përdoren në Rafah dhe qytete të tjera”, ka deklaruar Biden.

Ushtria izraelite në një deklaratë më 6 maj kërkoi evakuimin e disa lagjeve në lindje të Rafah, ku janë strehuar 1.5 milion palestinezë të zhvendosur me forcë dhe në mëngjesin e 7 majit ajo filloi sulm tokësor në rajonin Rafah të Gazës si dhe njoftoi se kishte pushtuar pikën kufitare me Egjiptin në anën e Gazës.

Related posts

Kishat në Kuds dënojnë sulmet brutale të Izraelit ndaj palestinezëve në Gaza që prisnin për ndihma

admin

Tensionet në Veri, QUINT dhe BE reagojnë sërish: Qeveria mos të marrë masa të reja për të hyrë me forcë në objektet e komunave

rezart morina

Spanja thirrje vendeve perëndimore: Njiheni shtetin e Palestinës

rezart morina