RTV AHIRETI
Shëndetësi

14 raste të “Kollës së mirë” sivjet, IKShPK apelon prindërit t’i vaksinojë fëmijët

14-raste-te-“kolles-se-mire”-sivjet,-ikshpk-apelon-prinderit-t’i-vaksinoje-femijet

Instituti Kombëtar i Shëndetësisë Publike të Kosovës, u ka bërë thirrje prindërve që t’i vaksinojnë fëmijët kundër “Kollës së mirë” (Pertusis).

IKShPK ka njoftuar se gjatë këtij viti janë regjistruar 14 raste të reja, kryesisht te moshat e reja, që paraqet një rritje të lehtë krahasuar me vitet paraprake.

Ky institut njofton se pertusis është një sëmundje ngjitëse bakteriale që përfshin traktin e frymëmarrjes dhe shkaktohet nga bakteria Bordetella pertussis që gjendet në gojën, hundën dhe fytin e personit të infektuar.

Po ashtu thuhet se kjo sëmundje ngjitëse mund të shfaqet në çdo moshë, por më shpesh i prek fëmijët dhe adoleshentët, ndërsa më të rrezikuar janë fëmijët nën moshën 1 vjeçare.

Sëmundja përhapet lehtësisht nga personi në person, kryesisht përmes pikave/spërklave nga kollitja ose teshtitja e personit të infektuar.

“Kujdesi është veçanërisht i rëndësishëm për foshnjat të cilat nuk e kanë ende kohën e marrjes së doizës së parë (foshnjat prej 0-2 muaj), të cilat duhet të mbrohen nga kontaktet me persona të tjerë (nga moshat më të rritura), që mund të jenë bartës të infeksionit pavarësisht nëse kanë shenja apo jo. Mbrojtja më e mirë është parandalimi përmes vaksinimit të foshnjave nga mosha 2 muajshe kur jepet doza e parë kundër Kollës së mire”, thuhet më tej në njoftim.

Related posts

Ushqimi i shëndetshëm/ Vaktet, me masë dhe ushqime që treten shpejt

admin

Salmoni, burim i shkëlqyer ushqimor për zemrën dhe trurin

admin

Ullinjtë dhe humbja në peshë

admin