Presidenti i Ukrainës, Volodymyr Zelenskyy propozoi për detyrën e ministrit të Jashtëm, zv/ministrin e Jashtëm dhe ish-ambasadorin në Ankara, Andrii Sybiha, transmeton Anadolu.
Në faqen e internetit të Parlamentit të Ukrainës thuhet se Zelenskyy i paraqiti Parlamentit draftin e dekretit presidencial lidhur me emërimin e Sybiha si ministër të Jashtëm.
Sybiha gjatë periudhës 2016-2021 ka kryer detyrën e ambasadorit të Ukrainës në Ankara.
– Parlamenti miratoi dorëheqjen e Kuleba-s
Deputeti ukrainas Yaroslav Zheleznyak, përmes një postimi nga llogaria e tij në median sociale njoftoi se sot në Parlament u miratua dorëheqja e ministrit të Jashtëm, Dmytro Kuleba.
Kryetari i Parlamentit të Ukrainës, Ruslan Stefanchuk në një deklaratë më 4 shtator njoftoi se ministri i Jashtëm, Dmytro Kuleba ka paraqitur në Parlament kërkesën për dorëheqje.
Kuleba ka kryer detyrën e ministrit të Jashtëm që nga 4 marsi 2020 deri më 5 shtator 2024.
