Qeveria e Kazakistanit ka njoftuar se do të bashkohet me Marrëveshjet e Abrahamit, të ndërmjetësuara nga Shtetet e Bashkuara.
Në një deklaratë të shkurtër, qeveria tha se “anëtarësimi i pritshëm në Marrëveshjet e Abrahamit përfaqëson një vazhdimësi natyrale dhe logjike të politikës së jashtme të Kazakistanit”, e cila bazohet në “dialog, respekt të ndërsjellë dhe stabilitet rajonal.”
Administrata e presidentit amerikan Donald Trump ka nxitur zgjerimin e këtyre marrëveshjeve, që synojnë normalizimin e marrëdhënieve mes Izraelit dhe vendeve arabe apo me shumicë myslimane.
Kazakistani ka pasur marrëdhënie diplomatike me Izraelin prej dekadash. /mesazhi
