Forcat izraelite kryen të enjten një inkursion të ri ushtarak në zonat rurale të Quneitras në Siri, duke përparuar në vendbanimin Samadaniyah Al-Sharqiya, sipas mediave siriane, transmeton Anadolu.
Kanali televiziv sirian Al-Ekhbariya njoftoi se dy tanke izraelite dhe më shumë se 15 automjete ushtarake me ushtarë hynë në vendbanim dhe përparuan drejt periferisë së Tal Krumit.
Nuk u dhanë menjëherë detaje të tjera.
Inkursioni ndodhi një ditë pasi ushtria izraelite bombardoi periferinë e vendbanimit Al-Samdaniya Al-Sharqiya në provincën jugore siriane Quneitra, sipas agjencisë zyrtare të lajmeve SANA.
Izraeli ka kryer bombardime dhe inkursione tokësore të përsëritura në jug të Sirisë që nga rrëzimi i regjimit të Bashar al-Assadit në dhjetor 2024.
Damasku ka kërkuar vazhdimisht tërheqjen e forcave izraelite nga territori sirian dhe ka rikonfirmuar angazhimin e tij ndaj Marrëveshjes së Shkëputjes së Forcave të vitit 1974.
