Qeveria e Kosovës do të zhvillojë sot mbledhjen e radhës.
Në kuadër të kësaj mbledhje pritet të shqyrtohen 23 pika të rendit të ditës.
Në kuadër të këtyre pikave të rendit të ditës pritet të diskutohet edhe lidhur me situatën e krijuar në kuadër të çmimeve të larta të derivateve.
“Shqyrtimi i Projekt-udhëzimit Administrativ për Rregullimin e Çmimeve të Produkteve të Naftës dhe Karburanteve të Ripërsëritshme dhe Masat e tjera Mbrojtëse (MINT)”,thuhet në kuadër të pikave të rendit të ditës.
Ndryshe gjatë ditës së djeshme është paralajmëruar se ditëve të ardhshme çmimi i naftës do të arrijë deri në 2.30 në litër.
Prej shumë muajsh qytetarët e Kosovës vazhdojnë të përballen me çmime ekstreme sa i përket furnizimit me derivate.
Pavarësisht ankesave të shumta, nga Qeveria e Kosovës nuk është marrë ende asnjë vendim që t’u dalë në ndihmë qytetarëve për këtë çështje.
Mbetet të shihet se çfarë do të vendosë Qeveria Kurti, në mbledhjen e sotme e cila pritet në nis në ora 10:00.
