Britania e Madhe është vendi i parë që aprovon vaksinën përforcuese specifike kundër dy varianteve të virusit Covid-19, që pritet të vihet në përdorim te të rriturit në Britani në vjeshtë.
Agjencia Rregullatore e Shëndetësisë dhe e Produkteve (MHRA) ka autorizuar përdorimin e vaksinës së re të kompanisë farmaceutike “Moderna”, që lufton njëkohësisht variantin origjinal të Covid, dhe variantin “Omicron”.
E njohur si “mRNA-1273.214”, doza është version i përmirësuar i vaksinës anti-kovid të kompanisë “Moderna”, që është tashmë në përdorim si dozë e parë, e dytë dhe përforëcuese.
Britania e Madhe është vend i parë që aprovon përdorimin e saj.
Moderna nuk është kompania e vetme që ka ndryshuar formulën e vaksinave kundër koronavirusit.
Edhe kompania tjetër amerikane, “Pfizer” është duke zhvilluar vaksina që shënjestrojnë variantin Omicron. /atsh
