Dy izraelitë dhe një palestinez u vranë në një sulm në Bregun Perëndimor të pushtuar, transmeton Anadolu Agency (AA).
Sipas lajmeve në shtypin izraelit, një sulm me thikë është kryer kundër kolonëve izraelitë në Ariel i cili është vendbanim i paligjshëm hebre në Bregun Perëndimor.
Në sulm u vranë 2 kolonë izraelitë ndërsa 4 tjerë u plagosën. Në deklaratën e ushtrisë së Izraelit thuhet se i dyshuari palestinez për sulmin pasi është larguar nga vendi i ngjarjes është “kapur dhe vrarë”.
Bregu Perëndimor i pushtuar, ku ushtria izraelite kryen shpesh bastisje, këtë vit ka përjetuar valë të përshkallëzuar të dhunës.
OKB-ja në deklaratën e saj muajin e kaluar, e përshkroi 2022-ën si “vitin më vdekjeprurës në Bregun Perëndimor që nga viti 2006” dhe tha se “përdorimi joproporcional i forcës nga ushtria e Izraelit është shkak për shqetësim”.
Më tej thuhet se “të paktën 105 palestinezë, përfshirë 26 fëmijë, janë vrarë nga forcat e Izraelit në Bregun Perëndimor që nga fillimi i vitit 2022”.
A video of the storming of the occupation forces into the town of Hares, north of Salfit, the area of the Ariel operation pic.twitter.com/p56vieNlX0
— Palestine News 24/7 (@PaliNewsBot) November 15, 2022
