Për pesë vitet e ardhshme, Japonia do të rrisë 50% buxhetin për mbrojtjen, vendosi sot qeveria e kryeministrit Fumio Kishida.
Ky vendim i çon shpenzimet ushtarake në dy për qind të PBB-së, njësoj me nivelin e vendeve anëtare të NATO-s.
Mes viteve 2023-2027 shpenzimet do të jenë mes 40-43 trilionë jenë, ekuivalente me 285 miliardë euro.
Sipas medias japoneze, vendi do të blejë deri në 500 raketa ”Tomahawk”, prodhuar në SHBA, për të qenë në gjendje të përballojë kërcënimet e mundshme të testeve bërthamore nga Koreja e Veriut.
Gjithashtu shqetësuese është prania gjithnjë në rritje e Kinës në rajonin e Azi-Paqësorit, e nxitur nga procesi i destabilizimit të Rusisë fqinje, pas konfliktit të vazhdueshëm në Ukrainë.
Vendimi i Tokios është pritur me kritika të shumta nga publiku, nëse kemi parasysh se vendi ka një Kushtetutë pacifiste.
