Në Greqi janë bastisur kompanitë që kanë lidhje me programin spiun “Predator” për të cilin pretendohet se është përdorur në skandalin e përgjimeve, transmeton Anadolu Agency (AA).
Televizioni shtetëror grek ERT, në lajmin e tij tha se autoritetet kompetente të Prokurorisë kanë të dhëna që u përkasin personave që kanë lidhje me kompanitë lidhur me programin spiun “Predator” dhe se të dhënat në fjalë janë siguruar nga dokumente të ndryshme dhe dëshmitë e dëshmitarëve.
Theksohet se bastisjet janë kryer ndaj 6 kompanive që mendohet se kanë lidhje me programin spiun. Autoritetet e Prokurorisë do të përcaktojnë hapat që do ndërmarrin më pas në përputhje me informacionet që do të sigurohen si rezultat i bastisjes.
Skandali i përgjimeve në Greqi erdhi në rend dite pasi programi spiun “Predator” u zbulua në muajin prill në celularin e gazetarit grek, Thanasis Koukakis.
Në lajmet në shtypin grek pretendohet se janë “përgjuar” telefonat e shumë politikanëve, gazetarëve dhe biznesmenëve të rëndësishëm, përfshirë të tillë si ish-kryeministri Antonis Samaras, ministrin e Jashtëm Nikos Dendias dhe shefin e Shtabit të Përgjithshëm, Konstantinos Floros.
