Presidentja e Kosovës, Vjosa Osmani, ka pritur në takim ambasadorin e Shteteve të Bashkuara të Amerikës, Jeffrey Hovenier.
Osmani dhe Hovenier me këtë rast kanë diskutuar në lidhje me zhvillimet e fundit, në veçanti rreth dorëzimit të aplikimit për anëtarësim në Bashkimin Evropian.
Osmani tha se ky përbën një hap të rëndësishëm në përmbushjen e vizionit të Kosovës për integrim në strukturat euroatlantike, transmeton lajmi.net.
Po ashtu në këtë takim është diskutuar edhe në lidhje me zhvillimet në veri të vendit.
Postimi i plotë:
Presidentja Vjosa Osmani ka pritur në takim të rregullt ambasadorin e SHBA-ve, Jeffrey Hovenier më të cilin bisedoi për zhvillimet e fundit e në veçanti rreth dorëzimit të aplikimit për anëtarësim në Bashkimin Evropian. Presidentja Osmani theksoi se ky përbën një hap të rëndësishëm për përmbushjen e vizionit të Kosovës për integrim në strukturat euroatlantike.
Në takim u diskutua poashtu edhe për zhvillimet në veri të vendit. Presidentja Osmani nënvizoi përkushtimin e institucioneve të Republikës për koordinim të rregullt e të vazhdueshëm me Shtetet e Bashkuara dhe aleatët e tjerë.
