Presidenca e Kosovës ka reaguar pas plagosjes së dy serbëve në Shtërpcë.
Në një komunikatë për media, Presidenca këtë ngjarje e ka quajtur “akt të patolerushëm”, shkruan lajmi.net.
“Plagosja e të rinjve 11 dhe 21 vjeçar në Shtërpcë është akt i patolerueshëm, ndaj autori duhet të vihet para drejtësisë”, ka thënë presidenca.
“Institucionet e Kosovës janë të përkushtuara maksimalisht që qytetarëve pa dallim etnie t`u ofrohet ambient i sigurt dhe i qetë”, shton Presidenca.
“Të plagosurve ju dëshiroj shërim të shpejtë, ndërkaq ftoj organet e sigurisë që rastin ta trajtojne urgjentisht e sipas ligjit”, thuhet në fund të komunikatës.
