Sipas shefit të OKB-së, Antonio Guterres, trashëgimia e racizmit e tregtisë së skllevërve ndjek botën edhe sot e kësaj dite.
“Ne mund të tërheqim një vijë të drejtë nga shekujt e shfrytëzimit kolonial te pabarazitë sociale dhe ekonomike të sotme”, tha Guterres në një mesazh të shtunën për të shënuar Ditën Ndërkombëtare të Përkujtimit të Viktimave të Skllavërisë dhe Tregtisë Transatlantike të Skllevërve.
“Dhe ne mund të njohim tropet raciste të popullarizuara për të racionalizuar çnjerëzimin e tregtisë së skllevërve në urrejtjen supremaciste të bardhë që po ringjallet sot.
Ndërmarrja e keqe e skllavërisë zgjati për më shumë se 400 vjet” dhe ka një “histori vuajtjesh dhe barbarie që e tregon njerëzimin në rastin më të keq”, tha sekretari i përgjithshëm i OKB-së.
Sot, pohoi Guterres, “është detyrë e të gjithëve ne të luftojmë trashëgiminë e racizmit të skllavërisë”.
Dita Ndërkombëtare e Përkujtimit të Viktimave të Skllavërisë dhe Tregtisë së Skllevërve Transatlantike shënohet çdo vit më 25 mars që nga viti 2007, shkruan Anadolu.
Tema e këtij viti është: “Luftimi i trashëgimisë së racizmit të skllavërisë përmes edukimit transformues”, për të cilën aludoi Guterres në mesazhin e tij. /shqip
