Një 31-vjeçare nga Obiliqi ka vdekur të shtunën pasdite pasi dyshohet se e ka qëlluar veten me armë zjarri.
Zëdhënësja e Policisë për rajonin e Prishtinës, Flora Ahmeti, ka thënë se viktima fillimisht është dërguar në Qendrën Kryesore të Mjekësisë Familjare në Obiliq, e më pas është transportuar në Qendrën Klinike Universitare të Kosovës, ku edhe është konstatuar vdekja e saj.
“Mbështetur në hetimet preliminare, përkundër që ka elemente që mund të jetë vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka thënë Ahmeti.
