Prokuroria Speciale e Kosovës ka bërë kërkesë për caktimin e paraburgimit të drejtorit të KEK-ut, Nagip Krasniqi, pranë Gjykatës Themelore në Prishtinë.
E kjo pasi Krasniqi u arrestua dje nga Policia e Kosovës me urdhër të Prokurorisë, për keqpërdorim të detyrës zyrtare, raporton teve1.info.
“Ju njoftojmë se Prokuroria Speciale e Republikës së Kosovës (PSRK), ka bërë kërkesë për caktimin e paraburgimit pranë Gjykatës Themelore në Prishtinë – Departamenti Speciale, ndaj të pandehurit me inicialet N.K. për shkak të dyshimit të bazuar se i njëjti ka kryer veprat penale ‘’Keqpërdorimi i pozitës apo autoritetit zyrtar’’ nga neni 414 paragrafi 2 lidhur me paragrafin 1 të KPRK, ‘’Ushtrimi i ndikimit’’ nga neni 424 paragrafi 1 të KPRK-së, dhe veprën penale ‘’Konflikti i interesit’’ nga neni 417 paragrafi 2 lidhur me paragrafin 1 të KPRK-së”, thuhet në njoftim.
Kujtojmë se nga e mërkura, kryeshefi i KEK-ut është dërguar në mbajtje për 48 orë.
