Policia serbe ka arritur të arrestojë të dyshuarin për masakrën e mbrëmshme në fshatrat afër Mlladenovcit.
Sipas raportimit të RTS, ai është gjetur dhe arrestuar në afërsi të Kragujevcit.
Tashmë në media është publikuar edhe fotoja e Uros B., 21 vjeçarit i cili vrau 8 persona dhe plagosi 13 të tjerë, ku 7 prej tyre janë në gjendje kritike për jetën.
Ai qëlloi në tri vende – në fshatin Dubonë, Malo Orašje dhe Šepšin dhe mbolli vdekjen me armë automatike, duke vrarë njerëz të pafajshëm. Të plagosurit që u dërguan në urgjencë janë në gjendje stabël pas ndihmës mjekësore.
I dyshuari ka precedentë penalë dhe është kundërvajtës lidhur me shkelje të Ligjit për Armët dhe Municionin.
Ndërmjet 8 të vdekurve është një polic i ri që nuk ishte në detyrë në atë moment dhe motra e tij. Ai qëlloi edhe fëmijë të pafajshëm.
