Grupet e armatosura të paligjshme armene kryen një akt terrorist duke dërguar një qen të lidhur me bombë kundër ushtarëve azerbajxhanas në Karabakh, njoftoi Ministria e Mbrojtjes e Azerbajxhanit.
Ministria e Mbrojtjes e Azerbajxhanit njoftoi se grupet e armatosura ilegale armene në distriktin Khojavend të Karabakut tentuan një provokim duke dërguar një qen që mbante një bombë kundër ushtarëve të Azerbajxhanit në orën 08:30 me kohën lokale, më 11 shtator.
Grupi i armatosur e detyroi qenin me një mjet shpërthyes të improvizuar të kontrolluar nga distanca, të lëvizte në drejtim të ushtarëve azerbajxhanas.
U raportua se qeni që mbante bombën u kap dhe mjeti shpërthyes u neutralizua nga ushtarët azerbajxhanas.
Ministria e Mbrojtjes e Azerbajxhanit e dënoi aktin si një shkelje flagrante të Konventës për Armët e caktuara Konvencionale, e cila ndalon përdorimin e minave tokësore, kurtheve dhe pajisjeve të tjera.
“Përdorimi i kafshëve për qëllime keqdashëse është një akt joetik dhe ne e konsiderojmë atë si një akt terrorist”, tha Ministria e Mbrojtjes e Azerbajxhanit. /trt
