Ministri turk i Mbrojtjes Hulusi Akar mohoi pretendimet se ushtarët turq reaguan me vonesë për të ndihmuar të bllokuarit nën rrënoja pas dy tërmeteve shkatërruese që tronditën Turqinë jugore më 6 shkurt, raporton Anadolu.
“Këto pretendime të njëanshme që nuk pasqyrojnë të vërtetën dhe nuk mund të shpjegohen me mirëbesim. Pjesëtarët e Ministrisë së Mbrojtjes Kombëtare dhe Forcave të Armatosura Turke u mobilizuan që në momentin e parë, mes tyre ushtarë, civilë, punëtorë dhe personel teknik, nxituan drejt atyre që kishin nevojë për ndihmë”, tha Akar në provincën jugore Hatay.
Siç tha ai, tërmeti i parë, epiqendra e të cilit ishte në qarkun Pazarcık të provincës Kahramanmaraş, ndodhi në orën 4:17 të mëngjesit me orën lokale.
“Qendrat operacionale të Shtabit të Përgjithshëm, Tokësore, Detare dhe Forcave Ajrore, si dhe Ministria e Mbrojtjes Kombëtare bënë atë që duhej bërë shpejt dhe kërkuan raporte nga trupat në orën 4:30 të mëngjesit”, theksoi Akar.
Në të njëjtën kohë, u urdhërua përgatitja e komandës së brigadës së ndihmës humanitare të Forcave të Armatosura të Turqisë.
“Në orën 05:00 u krijua Qendra e Krizave për Situatat Emergjente në kuadër të Ministrisë së Mbrojtjes së Turqisë. Në të njëjtën kohë kanë filluar punën edhe qendrat e krizës në Shtabin Qendror dhe Komandat”, tha Akar.
Të paktën 41.020 njerëz humbën jetën në dy tërmete të fuqishme që tronditën Turqinë jugore më 6 shkurt, njoftoi të dielën Agjencia e Menaxhimit të Fatkeqësive (AFAD).
Më shumë se 13 milionë njerëz u prekën nga tërmetet shkatërruese në Turqi.
Tërmetet tronditën të gjithë rajonin, ndërkaq në Sirinë fqinje më shumë se 3.600 njerëz humbën jetën dhe më shumë se 14 mijë u plagosën.
MSB Hulusi Akar, “Mehmetçiğin kışlalardan geç çıkarıldığına” ilişkin söylemlere tepki göstererek “Resmî kayıtlar ve bunlar arasında ordumuzun tarihçesi olan ceridelerdeki gerçekler var. Gerçekleri yansıtmayan bu yanlı iddialar iyi niyetle izah edilemez.” dedi.#MSB #HulusiAkar pic.twitter.com/a3XOFVKutk
— T.C. Millî Savunma Bakanlığı (@tcsavunma) February 20, 2023