Një aksident i rëndë ka ndodhur në Podujevë e si pasojë ka vdekur një grua.
Në aksident ishin përfshirë dy vetura dhe katër persona kishin marrë lëndime trupore, ndërsa gruaja e cila ka vdekur nuk kishte arritur t’iu mbijetojë plagëve dhe ka ndërruar jetë në QKUK në mesnatën e së enjtes.
Me vendim të prokurorit trupi i viktimës është dërguar në obduksion.
“Podujevë 06.07.2023-19:30. Raportohet se ka ndodhur aksident trafiku në mes të dy veturave. Si pasojë, lëndime trupore kanë pësuar katër persona dhe të njëjtit janë dërguar për tretman mjekësor. Rreth orës 01:30 e datës 07.07.2023 në QKUK si pasojë e lëndimeve të marra ka ndërruar jetë viktima femër kosovare dhe e njëjta me vendim të prokurorit dërgohet në IML për obduksion”, thuhet në raportin e policisë.
