Një javë pas djegies së Kuranit në Stockholm, i dërguari i Izraelit në Suedi tha se Tel Avivi dhe komuniteti lokal hebraik kishin parandaluar djegien e Torës, në koordinim me zyrtarët suedezë, transmeton Anadolu Agency (AA).
Ziv Nevo Kulman shkroi në Twitter se djegia e Torës ishte planifikuar të bëhej përpara ambasadës izraelite në Stockholm, por u parandalua me ndihmën e autoriteteve suedeze.
Kjo erdhi pasi Rasmus Paludan, politikani danez i ekstremit të djathtë, dogji një kopje të Kuranit të shtunën e kaluar para ambasadës turke të vendit nordik nën mbrojtjen e policisë dhe me lejen e autoriteteve.
