Një anije humanitare që po lundronte drejt Gazës për të ndihmuar në thyerjen e bllokadës izraelite është ndaluar nga mjete detare ushtarake izraelite, sipas organizatorëve të misionit.
Grupi “Global Sumud Flotilla” bëri të ditur se anija e tyre është afruar nga motobarka ushtarake, të cilat janë identifikuar si izraelite. Sipas tyre, ushtarët kanë drejtuar lazerë dhe armë automatike drejt pjesëmarrësve, duke i urdhëruar të shtrihen në pjesën e përparme të anijes dhe të vendosen në gjunjë.
Organizatorët shtuan se komunikimet e anijes janë ndërprerë dhe është dërguar një sinjal emergjence (SOS).
Ndërkohë, Radio Ushtria Izraelite, duke cituar një burim izraelit, raportoi se forcat izraelite kanë nisur të marrin kontrollin e anijeve humanitare që po drejtohen drejt Gazës, edhe në distancë të konsiderueshme nga brigjet izraelite. /mesazhi
