RTV AHIRETI
LajmeRajon dhe Botë

Arabia Saudite kërkon nga Izraeli të “punojë seriozisht” për zgjidhjen e çështjes së Palestinës

arabia-saudite-kerkon-nga-izraeli-te-“punoje-seriozisht”-per-zgjidhjen-e-ceshtjes-se-palestines

Ministri i Punëve të Jashtme i Arabisë Saudite, Faisal bin Farhan, ka kërkuar nga qeveria e re e Izraelite që të “punojë seriozisht” për zgjidhjen e çështjes së Palestinës, transmeton Anadolu Agency (AA).

Në Forumin Ekonomik Botëror, që po mbahet në Davos të Zvicrës, princi bin Farhan tha se “duhet të fokusohemi në një rrugë për të zgjidhur çështjen palestineze, e cila do të ndodhë përmes negociatave midis dy palëve”.

“Kjo është ajo që ne përpiqemi të arrijmë në nivelin e komunitetit ndërkombëtar, por qeveria e re izraelite nuk është entuziaste për gjetjen e një zgjidhjeje”, tha bin Farhan.

Bisedimet midis Palestinës dhe Izraelit u ndërprenë në vitin 2014, kryesisht për shkak të refuzimit të Izraelit për të ndaluar ndërtimin e vendbanimeve të paligjshme në tokat e konfiskuara palestineze.

Siç raporton kanali saudit i lajmeve ‘Al Ekhbariya’, shefi i diplomacisë saudite theksoi se “zgjidhja është në interesin e Izraelit dhe të rajonit”.

“Izraeli duhet të punojë seriozisht për të zgjidhur çështjen palestineze”, tha ai.

Për zhvillimet në Jemen, bin Farhan tha se përpjekja për një “armëpushim të përhershëm duhet të vazhdojë”.

“Nëse i bindim Houthi-t dhe qeverinë e Jemenit për një armëpushim të përhershëm, do të hapet dera për përparim politik”, tha ai.

Related posts

Senatori amerikan bën thirrje për “armëpushim pa afat” në Gaza

admin

Protesta të reja në juglindje të Iranit pas bllokimit të internetit thonë aktivistët

admin

Pagat në publik, ende pa u korrigjuar plotësisht

admin