Mbrojtja Civile e Arabisë Saudite lëshoi alarme emergjente në provincën Khamis Mushait dhe në qytetin Abha, në provincën Aseer, për shkak të një rreziku të mundshëm.
Më vonë, autoritetet njoftuan se rreziku kishte kaluar. Megjithatë, Mbrojtja Civile u bëri thirrje qytetarëve të shmangin grumbullimet dhe filmimet në këto zona.
Alarmi u lëshua në një kohë kur luftimet në Jemenin fqinj janë përshkallëzuar. Huthët kanë njoftuar se kanë marrë kontrollin e disa zonave strategjike pranë ngushticës Bab al-Mandab, përfshirë distriktet Hajs dhe Al-Khawkhah në provincën perëndimore Al-Hudajdah. /mesazhi
