Një valë e re e Covid-19 po afrohet në Evropë ndërsa temperaturat shkojnë drejt uljes. Tashmë ekspertët e shëndetit publik që paralajmërojnë se lodhja dhe konfuzioni rreth llojeve të ndryshme të vaksinave që ofrohen mund të kufizojnë numrin e njerëzve që mund të marrin dozë përforcuese.
Nënvariantet B4/5 Omicron që dominuan gjatë verës janë ende përgjegjës për shumicën e rasteve, por nënvariantet më të reja të Omicron po fitojnë terren.
Qindra lloje të reja të Omicron janë duke u identifikuar nga shkencëtarët, njoftuan zyrtarët e Organizatës Botërore të Shëndetësisë këtë javë.
Shifrat e publikuara nga OBSH-ja vonë të mërkurën treguan se numri i rasteve në BE arriti në 1.5 milionë javën e kaluar, një rritje prej 8% në javën e 19-25 shtatorit, pavarësisht një rënie dramatike të testimit.
Në nivel global , numri i rasteve vijon të ulet. Numri i shtrimeve në spital në shumë nga 27 vendet e BE-së si dhe në Britani është rritur gjithashtu javët e fundit.
Pranimet në spitale me simptoma të Covid-19 u rritën me pothuajse 32% në Itali në javën që përfundoi më 4 tetor, ndërsa pranimet në njësitë e kujdesit intensiv u rritën me 21% krahasuar me javën e kaluar , sipas të dhënave nga instituti i pavarur kërkimor Gimbe.
Gjatë së njëjtës javë, shtrimet në spital për shkak të Covid-19 në Britani u rritën me 45% krahasuar me atë të mëparshme. Vaksinat B1 dhe B4/5 të Omicron për Covid të përshtatura me “substrain” janë të disponueshme në Evropë nga shtatori, së bashku me vaksinat e gjeneratës së parë. /abcnews
