Arktiku mund të jetë det afërsisht një dekadë më herët se sa ishte parashikuar, paralajmërojnë shkencëtarët. Një tjetër shenjë e qartë se kriza klimatike po ndodh më shpejt se sa pritej.
Një studim i ri i botuar të martën në revistën Nature Communications zbuloi se akulli i detit Arktik mund të zhduket plotësisht gjatë muajit shtator që në fillim të viteve 2030. Edhe nëse bota bën përpjekje të konsiderueshme ndaj ndotjes nga ngrohja e planetit sot, Arktiku mund të shohë ende vera pa akull deti deri në vitet 2050, raportuan shkencëtarët.
Studiuesit analizuan ndryshimet nga viti 1979 në 2019, duke krahasuar të dhëna të ndryshme satelitore dhe modele klimatike për të vlerësuar se si po ndryshonte akulli i detit Arktik.
Studiuesit zbuluan se rënia e akullit të detit ishte kryesisht rezultat i ndotjes së shkaktuar nga njeriu dhe ngrohjes së planetit dhe modelet e mëparshme kishin nënvlerësuar tendencat e shkrirjes së akullit të detit Arktik.
“Ne u befasuam kur zbuluam se një Arktik pa akull do të kemi në verë, pavarësisht nga përpjekjet tona për të reduktuar emetimet, gjë që nuk pritej,” Seung-Ki Min, autori kryesor i studimit dhe profesor në Universitetin e Shkencës dhe Teknologjisë Pohang, në Korenë e Jugut, tha për CNN.
Akulli i Arktikut grumbullohet gjatë dimrit dhe më pas shkrihet në verë, duke arritur zakonisht nivelet e tij më të ulëta në shtator, përpara se cikli të fillojë përsëri. /tiranapost
