Është arrestuar një person në Leposaviq, pasi që i njëjti kishte gërmuar me ekskavator një sipërfaqe afër rrugës pa pëlqimin nga institucionet e Kosovës.
Policia ka bërë të ditur se rasti ka ndodhur më 20 korrik, ku nga i dyshuari është sekuestruar ekskavatori, raporton teve1.info
I dyshuari pas intervistimit është liruar në procedurë të rregullt.
“Leposaviq 20-22.07.2024 – 08:00 – 16:00. Është arrestuar i dyshuari mashkull kosovar, për shkak se i njëjti kishte gërmuar me ekskavator një sipërfaqe afër rrugës pa pasur pëlqimin nga institucionet e Kosovës. Nga i dyshuari është sekuestruar një ekskavator. Në konsultim me prokurorin i dyshuari pas intervistimit është liruar në procedurë të rregullt.”, thuhet në raport.
