RTV AHIRETI
LajmeRajon dhe Botë

Berisha për protestën e 6 dhjetorit: Duam që zëri ynë të dëgjohet

berisha-per-protesten-e-6-dhjetorit:-duam-qe-zeri-yne-te-degjohet

Kryetari i Partisë Demokratike, Sali Berisha thotë se protesta që do të zhvillohet më 6 dhjetor, ka për qëllim që t’u tregojë miqeve evropianë korrupsionin e qeverisë së drejtuar nga kryeministri Edi Rama.

Përmes një video-mesazhi në rrjetet sociale, Berisha u shpreh se opozita kërkon që zëri i saj të dëgjohet.

Kjo protestë, ditën e Samitit Europian, u thirr me qëllimin më madhor, për t’u bërë të qartë miqve në Shqipëri se Edi Rama duke shpenzuar 10-ra milionë euro dhe duke angazhuar 10-ra kompani lobimi, ka paraqitur tek ju një realitet shqiptar që nuk ekziston. E vërteta është se, sot Shqipëria është një vend në shpërbërje, nga e cila janë larguar në vitet qeverisëse të tij, më shumë qytetarë se në Siri, që po përjeton luftë civile.

Së fundmi, vjedhjet e Edi Ramës dhe klanit të tij kanë prekur edhe qytetarët tuaj. Me Bitcoin janë vjedhur nga klani qeveritar mbi 2.2 miliardë euro. Kështu që jemi sot në këtë protestë, pikërisht për të ngritur zërin tonë. Se ne nuk jemi njerëz të varfër, por para së gjithash jemi të vjedhur. Se ne nuk votojmë të lirë dhe kjo vret shpresën e shqiptarëve, i shndërron ata në “boat people”, ndaj dhe duam që zëri ynë të dëgjohet’ theksoi ndër të tjera kryedemokrati. /euronews

Related posts

Gazetari i televizionit Al Jazeera plagoset në sulmin e Izraelit në Gaza

rezart morina

Kurti dhe AKI-ja ishin në dijeni për planin e vrasjes së kryeministrit, nuk u bë publike për të mos krijuar panik

admin

35 ankesa tek Avokati i Popullit për ulje pagash

rezart morina