Presidenti amerikan Joe Biden arriti në New Delhi, Indi, në prag të samitit kryesor të liderëve të grupit G-20, raporton Anadolu.
Biden është planifikuar të takohet me kryeministrin indian Narendra Modi përpara ngjarjes zyrtare.
Presidenti amerikan nesër në mëngjes do të marrë pjesë në një ceremoni zyrtare të pritjes me Modin përpara se të fillojë samitin dyditor.
Takimi vjen pasi SHBA-ja kërkon të shtojë përpjekjet për të kundërshtuar Kinën në skenën globale.
Duke iu drejtuar gazetarëve rrugës për në Indi, Këshilltari i Sigurisë Kombëtare Jake Sullivan tha se SHBA “ka një interes të thellë në orientimin e G-20 dhe duke u siguruar që grupi të mbetet një mekanizëm qendror për koordinimin global për të gjitha sfidat kryesore me të cilat përballemi”.
Presidenti kinez Xi Jinping ka zgjedhur të mos marrë pjesë në mbledhjen e kësaj fundjave, duke shënuar një nga mungesat e profilit të lartë. Presidenti rus Vladimir Putin gjithashtu nuk do të jetë i pranishëm për shkak të një urdhër-arresti të pazgjidhur të lëshuar nga Gjykata Penale Ndërkombëtare në mars për veprimet e tij në luftën në Ukrainë.
Të dielën, Biden dhe udhëheqës të tjerë të G-20 do të vizitojnë Memorialin Raj Ghat të Indisë në Delhi, i cili përkujton trashëgiminë e Mahatma Gandhit.
Më pas ai do të niset nga India për në Vietnam, ku do të bëjë një vizitë njëditore në vendin e Azisë Juglindore për t’u takuar me udhëheqësit, duke përfshirë kryeministrin Pham Minh China.
US President Joe Biden arrives in India & engages in a bilateral meeting with PM Modi. Welcome to Bharat!
#PMModi #RahulGandhiEuropeVisit #G20India2023 #biden #g20indiasummit2023 #CannotBreatheInDelhi #G20SummitIndia #G20SummitDelhi pic.twitter.com/lwWckEWcPa
— ANUJ KASANA
