RTV AHIRETI
FeaturedKosovëLajmeLajmet

SHBA kërkon shtyrjen e reciprocitetit për targa dhe letërnjoftime për 30 ditë

shba-kerkon-shtyrjen-e-reciprocitetit-per-targa-dhe-leternjoftime-per-30-dite

Ambasadori i SHBA-së në Kosovë, Jeffrie Hovenier, ka thënë se ka kërkuar nga krerët e Kosovës që të shtyhet implementimi i dy vendimeve për 30 ditë.

Kjo, pas takimit që kishte me krerët e shtetit, presidenten Vjosa Osmani dhe kryeministrin Albin Kurti.

Sipas Hovenier, vendimi për reciprocitetin për letërnjoftime dhe targa është plotësisht të përshtatshme dhe në përputhje me marrëveshjen e Brukselit, porse ka kërkuar shtyrjen për 30 ditë.

Sipas tij, ka pasur dezinformata e keqkuptime ndaj vendimeve.

“SHBA-ja nuk ka pasur shqetësim për vendimin. Kam pasur takim me presidenten Osmani, kryeministrin Kurti, zëvendëskryeministrin Osmani dhe ministren e Jashtme, Gërvalla, për të bërë një kërkesë të qartë nga Qeveria e SHBA-së që të shtyhet implementimi i vendimit për 30 ditë.

Mendoj se shtyrja e implementimit do të ishte e nevojshme, pasi duket se ka pasur dezinformata dhe keqkuptime për vendimin. Shpresojmë të punojmë me partnerët tanë në BE që të reduktohen tensionet. Ne nuk po kërkojmë anulimin e vendimit të jem i qartë, por shtyrjen”, ka thënë Hovenier, që ka shprehur shqetësimin për tensionet në veri.

Related posts

Rusia vazhdon sulmet ndaj porteve ukrainase

admin

Turqia vazhdon përpjekjet humanitare në Gaza

admin

Rishi Sunak: Kina është kërcënimi më i madh

admin