Presidenti Joe Biden do të flasë me presidentin turk Rexhep Tajip Erdogan “shumë shpejt”, tha Shtëpia e Bardhë të hënën, teksa Turqia u godit nga tërmeti shkatërrues që la mijëra të vdekur dhe të paktën 14,000 njerëz të plagosur.
“Ne presim që presidenti dhe presidenti Erdogan do të kenë një mundësi për të folur shumë shpejt dhe sigurisht që do të kemi një deklaratë kur të ndodhë ajo bisedë”, u tha gazetarëve sekretarja e shtypit e Shtëpisë së Bardhë Karine Jean-Pierre në një konferencë shtypi pasdite.
