Ndërsa sulmet izraelite në Gaza vazhdojnë, presidenti i ShBA-së Joe Biden tha se Izraeli duhet të jetë më i kujdesshëm që të mos vriten civilët në Gaza.
Biden, gjatë një takimi në Maryland, iu përgjigj një pyetjeje lidhur me çështjen Izrael-Palestinë.
I pyetur nëse mendon që Izraeli duhet të ulë intensitetin e luftës deri në Vitin e Ri, Biden u përgjigj: “Nga Izraeli dua të fokusohen se si mund të shpëtojnë jetët e civilëve. Le të vazhdojnë të ndjekin Hamasin, por të jenë më të kujdesshëm (në çështjen e civilëve).
Ndërsa në një deklaratë të bërë më parë, presidenti Biden ishte shprehur se Izraeli ka filluar të humbasë mbështetjen e botës për shkak të bombardimeve joselektive në Gaza dhe se kryeministri Benjamin Netanyahu duhet të ndryshojë qeverinë për një zgjidhje afatgjatë.
