Numri i ushtarëve ukrainas dhe rusë të vrarë ose të plagosur që nga fillimi i luftës në Ukrainë në shkurt 2022 po i afrohet 500,000, raportoi të premten New York Times, duke cituar zyrtarë amerikanë.
Viktimat ruse ishin afër 300,000, duke përfshirë 120,000 të vrarë dhe 170,000 deri në 180,000 të plagosur, raportoi NYT.
Vdekjet në Ukrainë janë afër 70,000, me 100,000 deri në 120,000 të plagosur, shtoi gazeta.
Zyrtarët amerikanë, të cilët nuk janë emëruar, theksojnë se numri i viktimave është ende i vështirë për t’u vlerësuar me saktësi, pasi Moska besohet se qëllimisht po e nënvlerëson numrin e të vdekurve dhe të plagosurve të luftës dhe Kievi nuk jep shifra zyrtare.
Megjithatë, shtojnë ata, armiqësitë janë intensifikuar këtë vit në Ukrainën lindore dhe vazhdojnë me një ritëm të qëndrueshëm, ndërsa kundërsulmi ukrainas vazhdon.
