Sekretari amerikan i Shtetit, Antony Blinken, ka deklaruar se ka zhvilluar një bisedë telefonike me presidentin serb, Aleksandar Vuçiq.
Me këtë rast, Blinken bëri të ditur se e ka falënderuar atë për angazhimin konstruktiv me ekipin e Shteteve të Bashkuara të Amerikës dhe BE-së, që ditë më parë ishin për vizitë në Serbi, për intensifikimin e dialogut dhe arritjen e një marrëveshje Kosovë-Serbi.
Përmes në publikimi në Twitter, Blinken tha se e ka falënderuar presidentin serb për hapjen ndaj propozimit të Bashkimit Evropian.
“Fola me presidentin e Serbisë, Aleksandar Vuçiq për ta falënderuar për angazhimin e tij konstruktiv me ekipin e SHBA-së dhe BE-së javën e kaluar dhe për hapjen e tij ndaj propozimit të BE-së për sigurimin e paqes dhe stabilitetit në rajon, i cili është thelbësor për sigurimin e së ardhmes evropiane të Serbisë”,shkroi sekretari amerikan Blinken, transmeton lajmi.net.
Ndryshe në lidhje me këtë bisedë telefonike mbrëmë është deklaruar edhe presidenti serb, Vuçiq.
