Andrew Tate dhe vëllai i tij Tristan janë fotografuar sot teksa shkonin për t’u marrë në pyetje pas lirimit të tyre nga burgu. Teksa ndodhen në masën e sigurisë “arrest shtëpie”, sot ata u nisën për në Bukuresht për t’u marrë në pyetje. Ata u shfaqën pa emocione teksa u drejtuan brenda Drejtorisë për Hetimin e Krimit të Organizuar dhe Terrorizmit (DIICOT).
Një zëdhënës i vëllezërve e përshkroi vizitën si “rutinë”, përpara se të theksonte se ende ndaj tyre nuk janë ngritur akuza.
Dyshja u përshëndet nga një mori fotografësh në shkallët e godinës në kryeqytet. Tate dhe Tristan u liruan të dy nga burgu rumun në të cilin ishin mbajtur për 3 muaj më 31 mars.
Vëllezërit janë arrestuar që nga dhjetori dhe po hetohen për përdhunim, trafikim njerëzish dhe formim të një grupi krimi të organizuar. Të dy i kanë mohuar akuzat. Që nga fillimi i hetimeve prillin e kaluar, 6 gra janë identifikuar nga prokurorët si viktima. Megjithatë, asnjë akuzë nuk është ngritur ende ndaj vëllezërve apo dy bashkëpunëtorëve rumunë që u arrestuan përkrah tyre.
Andrew Tate ka miliona ndjekës në internet – pavarësisht se është i ndaluar nga faqet përfshirë TikTok, Instagram, Facebook dhe YouTube.
Andrew Tate u konvertua në Islam në fund të vitit të kaluar. /dosja/mesazhi
NEW VIDEO OF THE TATE BROTHERS!
VIDEO of the Tate brothers show them getting back in their cars and leaving DIICOT HQ.
~#andrewtate #cobratate #tristantate pic.twitter.com/Xa4zKF3qZ2— Tate News (@TateNews_) April 10, 2023