Çekia njoftoi se ka marrë vendim që të lehtësojë kontrollet e saj kufitare të cilat vazhdojnë në kufirin me Sllovakinë për shkak të rritjes së numrit të emigrantëve të parregullt, transmeton Anadolu Agency (AA).
Ministri i Brendshëm i Çekisë, Vit Rakushan, në një deklaratë për media njoftoi se kontrollet e filluara në kufirin e vendit me Sllovakinë në shtator, janë zgjatur deri më 25 janar 2023.
Rakusan tha se kanë marrë vendim për të lehtësuar kontrollet e rrepta, duke sqaruar se nuk do të ndalohet çdo mjet në pikën e kalimit kufitar dhe se automjetet do të kontrollohen në mënyrë të rastësishme.
Duke mbrojtur idenë se kontrollet e vazhdueshme për rreth 3 muaj në kufi kanë qenë efektive në reduktimin e numrit të emigrantëve të parregullt, Rakusan theksoi se që nga fillimi i kontrolleve e deri më tani, javën e kaluar për herë të parë nuk është kapur asnjë emigrant i parregullt në kufi.
Policia çeke në një deklaratë të bërë më 20 nëntor njoftoi se në dy muajt e fundit janë kapur rreth 9 mijë emigrantë të parregullt.
