Shërbimi Spitalor Klinik dhe Universitar i Kosovës njoftoi se 56 pacientë janë duke u trajtuar me COVID-19 pozitivë në klinikat COVID në Qendrën Klinike Universitare e Kosovës dhe në spitalet e përgjithshme.
Prej tyre, në klinikat e QKUK-së janë të shtrirë 29 pacientë, kurse në spitalet e përgjithshme 27 pacientë.
Klinika Infektive ka numrin më të lartë të pacientëve të shtrirë, me 16 të tillë. Ndërsa nga radhët e spitaleve rajonale, prin ai i Pejës me 11 pacientë COVID pozitivë.
