Qeveria e re e koalicionit të Danimarkës do të anulojë një festë publike për të rritur shpenzimet e mbrojtjes.
Është një nga masat e para të rënë dakord nga koalicioni i pazakontë midis partive të qendrës së majtë dhe të qendrës së djathtë – i pari që nga vitet 1970 në Danimarkë, raportoi BBC.
Partia Social Demokrate e qendrës së majtë, Partia Liberale e qendrës së djathtë dhe partia e moderuar e qendrës janë të gjitha pjesë e qeverisë së re. Kryeministrja Socialdemokrate në detyrë, Mette Frederiksen, do të vazhdojë punën e saj.
Një nga prioritetet e koalicionit është arritja e objektivit të NATO-s për 2 për qind të Prodhimit të Brendshëm Bruto për shpenzimet e mbrojtjes. Çështja e mbrojtjes ka qenë në ballë të debatit politik danez që nga pushtimi i Ukrainës nga Rusia në fillim të këtij viti.
