Danimarka po shkon drejt zgjedhjeve të parakohshme, pasi një polemikë e lidhur me pandeminë e COVID-19 doli në dritë.
Kryeministrja e qendrës së majtë, Mette Frederiksen caktoi datën 1 nëntor për mbajtjen e zgjedhjeve me premtimin se do të mbështesë partnerët e koalicionit në rast se vetë dështon.
“Në mes të një krize ndërkombëtare, që ka të bëjë me sigurinë, energjinë dhe ekonominë, është jetike të kemi zgjedhje parlamentare. Kjo është më së paku ajo çka dëshiron shumica e Parlamentit danez. Për këtë arsye kam njoftuar mbretëreshën se kam thirrur zgjedhjet e përgjithshme”, u shpreh Frederiksen.
Social Demokratët e Frederiksen kanë udhëhequr si një qeveri pakice që prej zgjedhjeve të 2019-s. Por popullariteti i tyre ra gjatë menaxhimit të pandemisë.
Pas Suedisë, ku fituan nacionalistët, Danimarka është vendi i dytë nordik që shkon në zgjedhje. Sondazhet tregojnë se qendra e majtë dhe ajo e djathtë ndodhen në të njëjtat nivele. /euronews
