Presidenca e Finlandës njoftoi se të hënën në kryeqytetin e Belgjikës, Bruksel do të vazhdojnë nën drejtimin e NATO-s bisedimet mes Finlandës, Suedisë dhe Turqisë, transmetoi Anadolu Agency (AA).
Në një deklaratë nga llogaria në Twitter e Presidencës finlandeze thuhej se bisedimet në nivel zyrtar mes Finlandës, Suedisë dhe Turqisë do të vazhdojnë në Bruksel.
Një përfaqësues i NATO-s i cili ka folur për agjencinë zyrtare suedeze të lajmeve TT tha se përfaqësuesit e lartë të Turqisë, Finlandës dhe Suedisë do të takohen të hënën me zyrtarë të nivelit të lartë të NATO-s në selinë në Bruksel me ftesë të Sekretarit të Përgjithshëm të NATO-s, Jens Stoltenberg.
