Një delegacion teknik turk për një spital fushor të planifikuar në Gaza ka kaluar nga Egjipti në enklavën e rrethuar, raporton Anadolu.
Sipas burimeve diplomatike turke, në bazë të gjetjeve të delegacionit turk spitali fushor planifikohet të aktivizohet sa më parë.
Përgatitjet për spitalin fushor dhe qytetin e kontejnerëve në Gaza
Turqia ka arritur në fazat përfundimtare të përgatitjeve për të krijuar një spital fushor në Gaza për të ofruar trajtim mjekësor për dhjetëra mijëra civilë të plagosur.
Zyrtarët turq gjithashtu po punojnë për të vendosur kontejnerë ku mund të strehohen familjet e Gazës, duke adresuar nevojat urgjente që dalin nga moti i ftohtë dhe kushtet e dimrit.
Zyrtarët turq që bënin studime fizibiliteti për ngritjen e qyteteve të kontejnerëve në Gaza më parë kanë raportuar bashkëpunim me qeverinë e Katarit dhe dërgimin e ndihmave nga Turqia në Gaza.
Izraeli nisi një fushatë masive ushtarake në Rripin e Gazës pas një sulmi ndërkufitar nga Hamasi më 7 tetor.
Që atëherë, sipas autoriteteve shëndetësore në enklavë, nga sulmet e pamëshirshme izraelite janë vrarë mbi 15 mijë palestinezë, përfshirë të paktën 6.150 fëmijë dhe 4 mijë gra.
Numri zyrtar i të vdekurve në Izrael është rreth 1.200.
