RTV AHIRETI
FeaturedKosovëLajmeLajmet

E konfirmon Prokuroria: Ridvan Muharremi e dy zyrtarët e MINT-it dërgohen në mbajtje për 48 orë

e-konfirmon-prokuroria:-ridvan-muharremi-e-dy-zyrtaret-e-mint-it-dergohen-ne-mbajtje-per-48-ore

Prokuroria Speciale e Republikës së Kosovës e ka konfirmuar lajmin se janë arrestuar Ridvan Muharremi, pronar i restorantit “Bukë e Zemër” dhe dy zyrtarë të Ministrisë së Industrisë, Ndërmarrësisë dhe Tregtisë, Hafiz Gara e Irfan Lipovica për keqpërdorim të detyrës zyrtare si dhe ‘’Dhënie të ndihmës në kryerjen e veprës penale të Keqpërdorimit të detyrës zyrtar.

Sipas njoftimit të njëjtit me urdhër të Prokurorit të Shtetit, do të dërgohen në mbajtje për 48 orë, si dhe brenda afateve ligjore kohore do të bëhet kërkesë për caktimin e paraburgimit.

Njoftimi i plotë:

ARRESTOHEN TRE PERSONAT R.M. H.G DHE I.L. PËR KEQPËRDORIM TË DETYRËS ZYRTARE Prishtinë, 18 gusht 2023 –

Me urdhër të Prokurorisë Speciale të Republikës së Kosovës (PSRK), Policia e Kosovës – Njësia e Veçantë e Hetimeve, ka realizuar sot bastisje në lokacione të ndryshme në Prishtinë, ku kanë arrestuar tre (3) persona me inicialet R.M. H.G dhe I.L.

Prokuroria Speciale njofton opinionin publik se tre personat e arrestuar, R.M. H.G dhe I.L. dyshohen për veprat ‘’Keqpërdorim i detyrës zyrtare’’, si dhe ‘’Dhënie të ndihmës në kryerjen e veprës penale të Keqpërdorimit të detyrës zyrtare’’.

Ndërkaq, gjatë bastisjes janë siguruar dhe sekuestruar prova materiale të cilat do të përdoren për procedurë të mëtutjeshme hetimore. Të njëjtit me urdhër të Prokurorit të Shtetit, do të dërgohen në mbajtje për 48 orë, si dhe brenda afateve ligjore kohore do të bëhet kërkesë për caktimin e paraburgimit.

Related posts

Putini i kërkon Kim Jong Unit forcimin e marrëdhënieve “në të gjitha frontet”

rezart morina

Qindra mësimdhënës kërkojnë pushim pa pagesë për punë sezonale në Evropë, numri pritet të rritet

rezart morina

Masakra me 133 viktima në Moskë, Putin: Janë arrestuar 4 personat që kryen sulmin! Po tentonin të largoheshin në…

admin