RTV AHIRETI
LajmeRajon dhe BotëTurqi

Ekspertët paralajmërojnë rrezikun e sëmundjeve pas tërmetit në Turqi dhe Siri

ekspertet-paralajmerojne-rrezikun-e-semundjeve-pas-termetit-ne-turqi-dhe-siri

Rreziku i sëmundjeve po rritet, shtatë ditë pas tërmetit shkatërrues në Turqi dhe Siri, ka paralajmëruar një ekspert gjerman dhe punonjës i ndihmës.

“Në rajonet ku njerëzit nuk kanë qasje në ujë të pijshëm të pastër, ekziston rreziku i epidemive”, tha Thomas Geiner, një mjek me përvojë për tërmetet, i cili është pjesë e një ekipi shpëtimi nga organizata gjermane e ndihmës NAVIS.

‘’Trupat e shumtë të bllokuar nën rrënoja mund të kontaminojnë furnizimin me ujë’’, paralajmëroi ai.

‘’Në shumë vende, njerëzit gjithashtu nuk kanë qasje në tualete të çfarëdo lloji, që do të thotë se mikrobet mund të hyjnë në ujërat nëntokësore’’, theksoi Geiner.

Geiner tha se situata i kujtoi atij pasojat e tërmetit të vitit 2010 në Haiti.

“E rëndësishme është që të çohet ndihma atje ku është e nevojshme”, tha ai duke vënë në dukje se, duke pasur parasysh madhësinë e rajonit të prekur, ishte praktikisht e pamundur të sigurohej kudo infrastruktura e kërkuar. /atsh

Related posts

Berlin – Qindra fluturime anulohen për shkak të grevës së pilotëve të “Eurowings”

admin

Borrelli do ta takojë nesër Kurtin dhe Vuçiqin në Paris

admin

Netanyahu akuzon Autoritetin Palestinez (PA) se synon të shkatërrojë Izraelin “në faza”

admin6