RTV AHIRETI
LajmeRajon dhe Botë

Erdogan: Forcat greke të sigurisë persekutojnë, grabitin, rrahin dhe madje vrasin refugjatët

erdogan:-forcat-greke-te-sigurise-persekutojne,-grabitin,-rrahin-dhe-madje-vrasin-refugjatet

Presidenti turk Recep Tayyip Erdogan porositi se pothuajse çdo ditë dëshmojmë për një dramë të refugjatëve të përndjekur, grabitur, rrahur dhe madje edhe vrarë nga forcat greke të sigurisë, transmeton Anadolu Agency (AA).

Erdogan u drejtua përmes një video-mesazhi në Konferencën Parlamentare Globale për Migracionin, të organizuar nga Asambleja e Madhe Kombëtare e Turqisë, së bashku me Unionin Ndërparlamentar në Stamboll.

Në mesazh ai vuri në dukje dramën me të cilën po përballen refugjatët sot.

“Pothuajse çdo ditë jemi dëshmitarë të dramës së refugjatëve që persekutohen, plaçkiten, rrihen dhe madje vriten nga forcat greke të sigurisë”, tha Erdogan, duke shtuar:

“Vendet si ne, që janë fqinjë të zonave të krizës, mbajnë barrën më të madhe mbi çështjen e migrimit dhe refugjatëve, e jo shoqëritë e zhvilluara që vetëm ngrenë zërin”.

Ai shtoi se disa vende që strehojnë disa qindra refugjatë i shfrytëzojnë ata si material reklamues dhe nuk marrin asnjë përgjegjësi përballë krizës humanitare në rritje. /aa

Related posts

Kurti për ndërhyrjen e NATO-s: Mirënjohës liderëve botërorë dhe vendeve të përfshira

admin

Kryeministri grek flet me optimizëm për marrëdhëniet dypalëshe me Turqinë pas tërmeteve

admin

Rama për “Bloomberg“: Britania e Madhe fajëson Shqipërinë për problemin që duhet ta zgjidhë vetë

admin