Presidenti i Turqisë, Recep Tayyip Erdoğan sot hapi zyrtarisht linjën e metrosë Kagithane – Aeroporti i Istanbulit, raporton Anadolu Agency (AA).
Në ceremoninë solemne të hapjes së linjës së metrosë morën pjesë një numër i madh zyrtarësh dhe qytetarësh turq.
Erdoğan në fjalimin e tij para të pranishmëve tha se me metro do të mund të arrihet në aeroportin e Istanbulit nga rrethi Kagithane për 24 minuta.
Linja e metrosë Kagithane – Aeroporti i Istanbulit ka kapacitetin për të pritur 800 mijë pasagjerë në ditë.
Erdoğan theksoi se është shumë i lumtur dhe krenar që Istanbuli mori një tjetër ndërtim të rëndësishëm historik.
Linja e metrosë e sapohapur është 34 kilometra e gjatë dhe përbëhet nga tetë stacione.
“Dhjetë makineri për shpimin e tunelit u përdorën në të njëjtën kohë për të vënë në shërbim linjën tonë të metrosë në Istanbul siç premtuam. Procesi i ndërtimit të kësaj metroje, që theu shumë rekorde në vetvete, është historia e ndërtimit të rëndësishëm në të cilin punuan inxhinierët vendas”, tha Erdoğan.
Ndërtimi i metrosë Kagithane – Aeroporti i Istanbulit filloi tre vjet më parë.
“Turqia i ka dëshmuar të gjithë botës forcën dhe aftësinë e saj në ndërtimin e metrosë. Kur të përfundojmë të gjitha projektet, ne do të rrisim rrjetin e sistemit hekurudhor të Istanbulit në më shumë se 380 kilometra”, tha Erdoğan.
Në fund, ai kujtoi gjithashtu se Aeroporti i Istanbulit renditet i pari ndër aeroportet më të frekuentuara në Evropë dhe më të mirët në botë.
Ülkemizde siyaset yapan birilerinin ne İstanbul’dan ne İstanbul’un sahip olduğu altyapıdan ne de teknolojinin geldiği seviyeden haberleri var.
Kâğıthane’ye “kâğıttepe” diyenlerden, Paris’i bildikleri kadar İstanbul’u bilmeyenlerden fazla bir şey de beklemiyoruz. pic.twitter.com/U9GSrAUsZQ
— Recep Tayyip Erdoğan (@RTErdogan) January 22, 2023
