RTV AHIRETI
LajmeRajon dhe Botë

Forcat izraelite vrasin 3 palestinezë dhe plagosin 29 në Bregun Perëndimor të pushtuar

forcat-izraelite-vrasin-3-palestineze-dhe-plagosin-29-ne-bregun-perendimor-te-pushtuar

Forcat izraelite vranë tre palestinezë dhe plagosën 29 të tjerë në një bastisje në qytetin Jenin në veri të Bregut Perëndimor të pushtuar, transmeton Anadolu.

Sipas informacionit të marrë nga burime lokale, ushtarët izraelitë bastisën Jeninin me dhjetëra automjete të blinduara ushtarake. Snajperë izraelitë u vendosën gjithashtu në disa shtëpi gjatë bastisjes.

Pas reagimit ndaj bastisjes, shpërtheu një përleshje mes banorëve palestinezë dhe ushtarëve izraelitë.

Forcat izraelite ndërhynë ndaj të rinjve palestinezë me plumba të vërtetë, gaz dhe bomba zhurmuese.

Në deklaratën e Ministrisë palestineze të Shëndetësisë, thuhet se në bastisjen e kryer nga ushtarët izraelitë në Jenin, tre palestinezë u vranë dhe 29 palestinezë të tjerë u plagosën nga plumba të vërtetë.

Pesë nga të plagosurit raportohet se janë në gjendje të rëndë.

Forcat izraelite, të cilët bastisin shpesh shtëpitë në Bregun Perëndimor të pushtuar dhe Kudsi Lindor, arrestojnë palestinezë me akuza të ndryshme. Herë pas here shpërthejnë përleshje mes ushtarëve izraelitë dhe banorëve palestinezë, të cilët reagojnë ndaj bastisjeve.

Related posts

Moldavi: Kaos në trafikun tranzit

admin

Stuhia “Julia” shndërrohet në uragan të shkallës së parë

admin

Putin takon Lukashenkon, çfarë u diskutua mes dy liderëve

admin