Sekretari në zyrën ndërlidhëse të Kosovës në Beograd, Fatmir Haxholli ka publikuar fotografinë e parë me tre policët që ishin arrestuar nga forcat serbe.
“Më në fund”, ka vendosur mbishkrimin mbi fotografinë e tyre, transmeton Telegrafi.
Rifat Zeka, Beqir Sefi e Mustafë Shemi, ishin arrestuar më 14 qershor nga forcat serbe brenda territorit të Kosovës, ndërsa sot Gjykata në Kralevë mori vendim për lirimin e tyre.
Arrestimi i tre policëve kishte nxitur reagime të shumta në vend, ku ishte kërkuar lirimi i menjëhershëm dhe pa kushte.
Lirimin e tre policëve e kanë kërkuar Bashkimi Evropian dhe Shtetet e Bashkuara të Amerikës.
