RTV AHIRETI
LajmeRajon dhe Botë

Francë, sindikata e energjisë njofton “ndërprerje të synuara” energjisë kundër reformës së pensioneve

france,-sindikata-e-energjise-njofton-“nderprerje-te-synuara”-energjise-kunder-reformes-se-pensioneve

Sindikata franceze e energjisë ‘CGT Energy’ ka njoftuar më shumë “ndërprerje të synuara të energjisë” në kuadër të luftës kundër reformës së pensioneve, një ditë pasi reforma u miratua në parlamentin francez, transmeton Anadolu.

“Ne përsëri do të shkojmë në drejtimin e fikjeve të synuara, atë që ne e quajmë ‘ruajtja e energjisë’, sepse ky në vetvete është një sulm ndaj kapitalit, ndaj atyre që na qeverisin”, tha sekretari i përgjithshëm i sindikatës, Sebastien Menesplier, gjatë një vizite në termocentralin ‘Gravelines’ në Francën veriore.

Menesplier theksoi se “zemërimi është i madh”, duke shtuar, “Ne do t’u tregojmë atyre se jemi të mobilizuar dhe jemi të vendosur”.

Grevistët në sektorin e energjisë kanë shumëfishuar numrin e ndërprerjeve të energjisë që nga fillimi i konfliktit për reformën e pensioneve. Ata gjithashtu kanë vënë në shënjestër drejtpëdrejt zyrat parlamentare apo shtëpitë e politikanëve.

Së fundmi, 43 mijë familje në rajonin Var të Francës jugore dhe 32 mijë familje në rajonin Ardennes të Francës veriore ishin përkohësisht pa energji elektrike.

“Po, veprimet po rëndojnë ekonominë e kompanive tona dhe në mënyrë të pashmangshme atë të shtetit”, tha Menesplier, duke shtuar se “nuk mund ta lëmë këtë masë pa u siguruar se kjo reformë mund të futet në dollap”.

Në termocentralin ‘Gravelines’, përballë të cilit sindikalistët kanë vendosur post-blloqe, tashmë disa ditë operacionet janë pjesërisht të ndaluara, gjë që sipas grevistëve po i kushton shumë para shtetit duke e detyruar atë të blejë energji me tarifa më të larta.

Përveç kësaj, grevat kanë vonuar mirëmbajtjen e reaktorit, gjë që mund të shkaktojë tensione në rrjetin elektrik francez dimrin e ardhshëm.

Mobilizimi i fuqishëm i punonjësve në sektorin e energjisë shpjegohet ndër të tjera me faktin se ata kanë më shumë për të humbur nga reforma sesa grupet e tjera të profesioneve, që kur u paralajmërua heqja e sistemit të tyre të posaçëm i pensioneve.

Related posts

Kanada, organizata humanitare HCI mbledh 1.6 milion dollarë për viktimat e tërmetit në Turqi dhe Siri

rezart morina

“Forcat izraelite janë të lumtur të vrasin fëmijë”, spikerja e BBC-së i thotë ish-kryeministrit izraelit – VIDEO

rezart morina

Organizatat ndërkombëtare në të cilat u anëtarësua deri tani Kosova dhe cilat i synon

rezart morina