Ministrja e Punëve të Jashtme, Donika Gërvalla ka takuar ministrin e jashtëm të Turqisë, Hakan Fidan.
Sipas komunikatës, thuhet se temë diskutimi ka qenë mbështetja e Turqisë ndaj Kosovës për anëtarësim në Këshillin e Evropës, në NATO dhe organizata tjera ndërkombëtare, fuqizimi i bashkëpunimit në shkëmbime tregtare dhe investime strategjike.
Tutje, gjatë këtij takimi është diskutuar edhe rreth sigurisë në rajon dhe nevojën e rritjes së bashkëpunimit multilateral në tejkalimin e sfidave të përbashkëta.
Ministrja Gërvalla e ka njoftuar ministrin Fidan për prioritetet e Kosovës në proceset integruese dhe fuqizimin e subjektivitetit ndërkombëtar.
