RTV AHIRETI
LajmeLajmetRajon dhe Botë

Gjigandi turk i mbrojtjes “Aselsan” zbulon sistemet e mbrojtjes ajrore

gjigandi-turk-i-mbrojtjes-“aselsan”-zbulon-sistemet-e-mbrojtjes-ajrore

Gjigandi turk i mbrojtjes ‘Aselsan’ ka zbuluar sistemet e tij të mbrojtjes ajrore gjatë edicionit të 16-të të Panairit Ndërkombëtar të Industrisë së Mbrojtjes (IDEF) që po mbahet në Istanbul, raporton Anadolu.

Në ngjarjen 4-ditore, e cila filloi dje, po ekspozohen një sërë produktesh të industrisë së mbrojtjes, përfshirë automjete tokësore, armë, simulatorë, radarë, hidrolokatorë, zgjidhje platformash detare, sisteme aviacioni, raketa, automjete logjistike, pajisje, furnizime dhe sisteme të sigurisë.

‘Aselsan’ ekspozoi sistemin hibrid të mbrojtjes ajrore ‘GURZ, sistemin e mbyllur të raketave të mbrojtjes ajrore ‘GÖKSUR’, sistemin e lëshimit të raketave ‘GÖKDEMIR’ dhe sistemin lëvizës të armëve laser ‘GÖKBERG’.

Kreu i Agjencisë së Industrisë së Mbrojtjes së Türkiyes (SSB), Haluk Görgün, tha se sistemet e mbrojtjes ajrore janë të kërkuara globalisht dhe theksoi se Türkiye në periudhën e fundit ka fituar një terren të rëndësishëm në këtë fushë.

Menaxheri i përgjithshëm i korporatës ‘Aselsan’, Ahmet Akyol, tha se sistemet e reja të mbrojtjes ajrore do të reduktojnë varësinë e Türkiyes nga jashtë.

Related posts

92 pacientë me COVID po trajtohen në spitalet e Kosovës

admin

Sulmi me armë ku vdiqën tre turistë spanjollë, ISIS merr përgjegjësinë

admin

Dështimi i votimit në veri, Osmani: Vuçiç shkeli fjalën, masat ndaj Kosovës të hiqen menjëherë

admin